ရွှင်လန်းခြင်းကျူး
၁။ အိုကျေးဇူးရှင်သခင်ဘုရား၊ ကိုယ်တော်ကို ခိုလှုံသောနေ့ကား၊
အလွန်သာယာသော နေ့ပေတည်း၊ အသက်ထက်ဆုံးအောက်မေ့ပါမည်။
ထပ်ဆို
သာယာနေ့၊ သာယာနေ့၊ အပြစ်များကို ဆေးကြောသောနေ့၊
သခင်ယေရှု မဟာကျေးဇူး၊ ချီးမွမ်းကြကုန်၊ အသက်ထက်ဆုံး၊
သာယာနေ့၊ သာယာနေ့၊ အပြစ်များကို ဆေးကြောသောနေ့။
၂။ အလိုတော်ကို အစဉ်လိုက်မည်၊ ယခုစိတ်လုံးလုံးချပါပြီ၊
ဝမ်းမြောက်ဖွယ်သော သတင်းတရား အလွန်နှစ်သက် အားရတကား။
၃။ ကြီးသောအမှု ခုပြီးပါပြီ၊ လက်တော်သို့ ကိုယ်ကို အပ်ပြီးပြီ၊
ရှင်ယေရှုသည် ကျွန်ုပ်သခင် ဖြစ်မှန်းကိုမှတ် ကြပါအစဉ်။
၄။ ငါ့စိတ်နှလုံး ငြိမ်ဝပ်ပါစေ၊ မှန်သော အကျိုးကို တွေ့ရပြီ၊
ရှင်ယေရှုကို မှီဝဲခိုလှုံ၊ ရွှင်လန်းရမည် ကမ္ဘာမကုန်။